بحبك يابلدى ...ياللى نهرك بيجرى فى دمى !
وجوايا خوفو ...اللى قتل خوفه وشيد أكبر هرم !
كان النيل والدين والعلم والعمل حياتهم !
فسادوا وأبادوا كل سارق مغتصب لئيم !
وقدسوا النيل ودافعوا عنه بحياتهم فوهبهم حياتهم !
أمنوا الحدود وصنعوا السياده وبنوا السدود !
عرفوا وعرفوا العالم معنى السياده !
وأن السياده عباده لرب الوطن والنيل !
عمرهم مافرطوا ولا أتفرطوا لجماعات !
راحوا للعدو فى بيته ...!
وهدوله عرشه وبيته ..!
وأتجوزوا بناته ونبتوا منهم السلام !
عرفوا أن السلام تسبقه قوه مش كلام !
والقوه رمزها سياده ..والسياده عباده لله !
كان العلم وياالعمل والنيل والدين كل حياتهم !
وترك الخير والأثر هو حلمهم ورمز ذاتهم !
عملوا علشان بكره ..وألاف السنين !
ماعشوش يوم بيوم ولا أخدوا من حد لقمه ولامدوا أديهم للئيم !
لكن بأيد صنعوا اللقمه ....وبالتانيه أقتلوا اللُئمه !
علشان كده لماجاع العالم همه ماجاعوا !
ورب العباد هداهم بيوسف وحماهم وماجاعوا !
الكل أحتاج للقمه ...الطيبين واللُئمه ..!
والقرآن علمنا مين يوسف ..ومين خواته اللُئمه !
أتعلموا ياولاد الآسود ...وكونوا يوسف !
وماتسيبوش خواته اللُئمه تسود عليكم !
ويحكموكم ..وفى نيلكم يسرقوكم !
النيل دين ...والدين قالك دافع عن حياتك بحياتك أوهبك الحياه !
أتعلموا من الجدود ...ورجعوا السياده على الحدود !
ودافعوا عن نيلكم بحياتكم يوهبكم ربكم الحياه !
يوسف مامات ...وبيمدلكم أيده !
وبيقولكم يلا نعدلوا المايله..ونقيموا العدل !
ونرجعوا السياده ...ونيلنا وزياده !
ونعملوا الطيب ونقتلوا اللئيم !
قتل اللئيم مايقمش بيه غير الآسود !
والآسود دايما هى اللى بتحكم وبتسود !
عمر التعلب ماحكم طالما الأسد حاكم !
علشان كده أجدادكم شيدوا قدام أهرامهم أسدهم كان ليهم حارس وحاكم !
وسموه أبوالهول ..أبوقاتل الخوف ....أبو الفزع الرهيب !
بيعلموكوا أن الحضاره بدون ما يقودها ويحرسها أسد !
عمرها ما حتعيش أبدا ولاحتكون !
بقلمى الكاتب والمفكر / طارق رجب
ليست هناك تعليقات:
إرسال تعليق