إبراهيم فهمي
وانا وحدي
***************
وانا وحدي
بلاقي الذكرى بتجيني كتاب مفتوح
والاقي معاها أسراري وجايه تبوح
والاقي في كل صفحة سطور
حروفها دموع
والاقي الحرف صوت واهن
بيتكلم حلاوة روح
وانا وحدي
بلاقي الوحش جوايا بيزأر غيظ
ردود أفعال لقصة ظلم ف البراويز
ماخدتش فيها حقي زمان
ودلوقت بعيشها كابوس
وانا وحدي
بلاقي الناس تعزيني
ف أحلامي اللي ما بتدوم
يادوب أحلم ويبجي الصبح
الاقي الحلم شئ معدوم
وانا وحدي
بيرجع عقلي بالذكرى لعمر قديم
وانا لسه يادوب عيل
بيتحنجل
ويتنطط
عشان مليم
لكن بفرح ساعة ما الاقيه
واعيش لحظة هنا كاملة
واحس إني بعيشها كريم
وانا وحدي
تهيج أفكار ماهيش مني على بالي
أشوف نفسي شبح تاني
كلامه مرار
بيقدر يدبح الوردة
ومن موتها يقول أشعار
وانا وحدي
باشوف الباقي من عمري طريق مسدود
واشوف الشط وانا باغرق مالهش وجود
واشوف نفسي مع الزحمة بقلب وحيد
واشوف الدنيا مش ليا
حتى الدمعه مش بتجود
وانا وحدي
بخاف من نفسي على نفسي
واخاف أفكاري تحبسني
واخاف الغربة عن ذاتي
تشتتني وتخرصني
وانا وحدي
بلاقي الحرف سجاني
في زنزانة ضمير مهزوم
بيصرخ كل يوم م الظلم
وحق وجوده شئ معدوم
وانا وحدي
بفكر ف اللي فارقوني
ولادي وأمي وأبويا
وبتمنى يفاجئوني
والاقيهم هنا معايا
لكن يا خسارة أمنيتي
بتتحول لدمعاية
وانا وحدي
كتبت حروفي من قلبي
ومن دمي
وم الوجدان
أنا إنسان
لكن الدنيا ظلمتني
وهزمتني
وحطتني في بير أحزان
أنا وعدي ومكتوبي أعيش غرقان
في بحر مالوش ملامح شط
وزنزانة بدون سجان """"""""
بقلمي / إبراهيم فهمي المحامي
٥/٦/٢٠١٨
***************
وانا وحدي
بلاقي الذكرى بتجيني كتاب مفتوح
والاقي معاها أسراري وجايه تبوح
والاقي في كل صفحة سطور
حروفها دموع
والاقي الحرف صوت واهن
بيتكلم حلاوة روح
وانا وحدي
بلاقي الوحش جوايا بيزأر غيظ
ردود أفعال لقصة ظلم ف البراويز
ماخدتش فيها حقي زمان
ودلوقت بعيشها كابوس
وانا وحدي
بلاقي الناس تعزيني
ف أحلامي اللي ما بتدوم
يادوب أحلم ويبجي الصبح
الاقي الحلم شئ معدوم
وانا وحدي
بيرجع عقلي بالذكرى لعمر قديم
وانا لسه يادوب عيل
بيتحنجل
ويتنطط
عشان مليم
لكن بفرح ساعة ما الاقيه
واعيش لحظة هنا كاملة
واحس إني بعيشها كريم
وانا وحدي
تهيج أفكار ماهيش مني على بالي
أشوف نفسي شبح تاني
كلامه مرار
بيقدر يدبح الوردة
ومن موتها يقول أشعار
وانا وحدي
باشوف الباقي من عمري طريق مسدود
واشوف الشط وانا باغرق مالهش وجود
واشوف نفسي مع الزحمة بقلب وحيد
واشوف الدنيا مش ليا
حتى الدمعه مش بتجود
وانا وحدي
بخاف من نفسي على نفسي
واخاف أفكاري تحبسني
واخاف الغربة عن ذاتي
تشتتني وتخرصني
وانا وحدي
بلاقي الحرف سجاني
في زنزانة ضمير مهزوم
بيصرخ كل يوم م الظلم
وحق وجوده شئ معدوم
وانا وحدي
بفكر ف اللي فارقوني
ولادي وأمي وأبويا
وبتمنى يفاجئوني
والاقيهم هنا معايا
لكن يا خسارة أمنيتي
بتتحول لدمعاية
وانا وحدي
كتبت حروفي من قلبي
ومن دمي
وم الوجدان
أنا إنسان
لكن الدنيا ظلمتني
وهزمتني
وحطتني في بير أحزان
أنا وعدي ومكتوبي أعيش غرقان
في بحر مالوش ملامح شط
وزنزانة بدون سجان """"""""
بقلمي / إبراهيم فهمي المحامي
٥/٦/٢٠١٨
ليست هناك تعليقات:
إرسال تعليق