قصيدة بعنوان/( مسحراتي )/بقلم الكاتب الاديب الراقي/الشاعر المبدع علي فراج

علي فراج

3 س

مسحراتي
أنا لسه باكي
علي حال بلادي
لما اشوفها
اليوم تطاطي
ناسها تايهه
معرفشي مالها
ساعات اشوفها
وارمه بطونها
ساعات دموعها
سببها واطي
قالوا ابن عاصي
في حلة محاشي
رجولة هايفه
الريحه جايفه
الأم واقفه
قدمها حافيه
الجته ناشفه
وأنا ليلاتي
زهقت اهاتي
لاحد بسمع
ولا قلب يشفع
ولا عين بتدمع
بس الغلابه
من كوم زباله
تملي تشبع
دا حال بلادي
مدا الأيادي
ولمين اعادي
غلبت أنادي
علي ناس بتركع
مسحراتي
سبحه طويله
في ايدين مشايخ
السن باسم
والشعر شايخ
جلباب مشمر
علي ديك محمر
الايد طويله
ناويه تدمر
خروف ودايخ
الصحبه لمه
علي لحمه نيه
من غير سبانخ
والكل جاهز
م الأمس ناخخ
شوفوا الأسامي
بهوات بلاوي
الكل غاوي
علي الموائد
اراجوز وحاوي
لكنه ناوي
يقسم تملي
حلفانه خاوي
مسحراتي
كلامي خنجر
الله أكبر
ساعة ما نفطر
دعاء يحرر
دعاء ينور
لازم تفكر
بقلب يفقهه
عقل يصور
الحال عقيم
والواد لئيم
ياعم نديم
يالا اتسحر
رمضان كريم
بقلمي / علي فراج