معركة ولادك
صحيح أنا فارس من فرسانك
وقفت يوم وحاربت عشانك
وانتصرت وانهزمت وانكسرت
وقولت احاول تاني أبدأ
لقيت ولادك ملهمش مبدأ
قالوا يوم عايزين نغير
شالوا لبلب وجابوا عنتر
وقالوا حارب ومليون محارب
ضد عنتر
اللي يشتم واللي يلعن
واللي قال دا جاي يهزر
واللي يسرق واللي يحرق
واللي عامل فيها منظر
انسحبت أنا من صفوفك
سبت رمحي وشلت سيفك
وقلت أحاول يمكن أقدر
عرفت إنك ضحية ولادك
عاشوا وماتوا ياكلوا في زادك
وقالوا حاجات أصلها شعارات
في مظاهرات واضرابات
ويموت ولاد
زي الولاد
برضه ولادك
مش هأقول زي اللي قالوا:
وكلة ناسك
زالوا هما ولم يزيلوا
والعيب في ناسك
بيخونوكي ويطعنوكي
وعايزينك رافعة راسك
خرجت من المعركة
مهزوم مكسر
بعت قوسي
والحصان وسيف مظفر
واشتريت سيجارة
وإزازة بيرة
وقعدت أعفر
لأجل ما أتسى
الهزيمة الأحيرة
في معركة ولادك
شعر:"محمود البراد"
صحيح أنا فارس من فرسانك
وقفت يوم وحاربت عشانك
وانتصرت وانهزمت وانكسرت
وقولت احاول تاني أبدأ
لقيت ولادك ملهمش مبدأ
قالوا يوم عايزين نغير
شالوا لبلب وجابوا عنتر
وقالوا حارب ومليون محارب
ضد عنتر
اللي يشتم واللي يلعن
واللي قال دا جاي يهزر
واللي يسرق واللي يحرق
واللي عامل فيها منظر
انسحبت أنا من صفوفك
سبت رمحي وشلت سيفك
وقلت أحاول يمكن أقدر
عرفت إنك ضحية ولادك
عاشوا وماتوا ياكلوا في زادك
وقالوا حاجات أصلها شعارات
في مظاهرات واضرابات
ويموت ولاد
زي الولاد
برضه ولادك
مش هأقول زي اللي قالوا:
وكلة ناسك
زالوا هما ولم يزيلوا
والعيب في ناسك
بيخونوكي ويطعنوكي
وعايزينك رافعة راسك
خرجت من المعركة
مهزوم مكسر
بعت قوسي
والحصان وسيف مظفر
واشتريت سيجارة
وإزازة بيرة
وقعدت أعفر
لأجل ما أتسى
الهزيمة الأحيرة
في معركة ولادك
شعر:"محمود البراد"
ليست هناك تعليقات:
إرسال تعليق