اصدقائى الاحباء صورة من الشعر الغنائى للفراق بالعامية بعنوان- ودعتك-
ودعتك احضان وبوس--------- من غير بكى ودموع
اتارى البكى محبوس---------- اهات ما بين الضلوع
على جرح الروح تدوس ---- ما ترحم جريح موجوع
غريق فى اشجانه يغوص ----- يصرخ ومش مسموع
---------------------------------------------------------
على ايه يا روح الروح--------- تروح وتقسمنا اثنين
فكر قبل ما تروح ----------- دا احنا مش اى حبيبين
فراقنا مش بس جروح ------ ولا بعد النورعن العين
ولا حتى مرارة البوح ------ فى الشكوى وفى الانين
دى روح من غير روح -------- هتعيش ازاى ولمين
--------------------------------------------------------
لو ناوى تروح هنروح -------- يمكن فى تنهيدة حنين
فكر قبل ما تروح ----------- دا احنا مش اى حبيبين
دا احنا الاثنين روح ------- واحدة عايشة فى جسدين
وياروح ما بعدك روح -------- خليك وخلينا عايشين
-------------------------------------------------------
فكر قبل ما تروح ----------- دا احنا مش اى حبيبين
الجنة بنيناها صروح ------- هتروح فى غمضة عين
فاكرين هنقدرعلى النوح ------ ببسمة واحنا مفارقين
اتاريها حلاوة الروح -------- بتروح ما بين طريقين
بقلمى يوسف ونيس مجلع
ليست هناك تعليقات:
إرسال تعليق