قصيدة بعنوان(شجر الهوى)بقلم الكاتب الاديب الراقي/الشاعر المبدع على شحاتة سليم

علي شحاته سليم

ساعة واحدة

شجر الهوى
................ .
ياللى انت عطشان للهوى
عطشان معاك
وانا قلبى زارع غنوته
شجره فى عنيه
تطرح ضحكة الروح الطريه
وترمى عناقيد الخجل
وقت ما تلمح نظرته
فيها اشتياق............
قد ايه بادوب
وانا جوه منى روح وشوق
ساعات باشوفها شمس النهار
وساعات فى زحام ملامحى
بتنطفى...........................
سايب مشاعرك تسبقك
وتحرك الغيم اللى فيك
باشوف حروفها فى لمستك
وقت ايديه ما تحضن ايديك
بتحبنى ولا انت خايف تنكسر
لو قولت اه..................
ما هو انت فيه وليه كون
ازاى اكون وانا نفسي مره
اتنفسك......................
قرب وميل نحيتى
وسيبنى ادوب
لابسنى حبك كل يوم
بالف توب
على شحاتة سليم