كل حاجة نصيب
احمد صبري
-
من زمان بيعلمونا
كل حاجة نصيب
سهل جدا صعب فعلا
غلط وصح وعيب
وحجات كتير زي الضمير
والمحبة والسلام
حجات كتير لما كبرنا
اكتشفناهة كلام
مابين الليل والليل
نهار وعيون تصيبب
والبخت ان كان قليل
كل حاجة نصيب
-
مية سؤال من غير اجابة
مين بيختار الكئابة
ومين بيتباهة بخيابة
ومين معشش ف التابوت
هية موتة ولا عيشة
دنيا طايرة زي ريشة
فيها متولي وحبيشة
فيها ايام راح تفوت
يبقى ليه عاملين دا كله
متقطعين غدر وتعذيب
اللي شاف ظالم يقوله
الظلم مبقاش غريب
وكل حاجة
نصيب
-
لو تشوفي حبي ليكي
ويا خوفي لا تسيبيني
واني لو اراهن عليكي
واخسرك راح تقتليني
النفس بيصعب عليا
من سنين عمال اسيب
لحد ماكل حاجة فيا
دابت شبعت تاْديب
كل حاجة
نصيب
ليست هناك تعليقات:
إرسال تعليق