قصيدة وداع 2017
**************
بقلم الشاعر /أحمد إبراهيم
قالوا الحصاد فوق التلال
اغرف ونول
ده الشمس طله ع البلاد
وربيع زهور
اوعاك تقول هو فين
أعمي العنين ولا عبيط
ده الخير علي كل العواصم والدروب بيذيد اكيد
في دمشق ليبيا والعراق
و ف اليمن اللي كان
في يوم سعيد ف القدس متسلسل أذان
والفجر نوع لسه جديد
اوعاك تذيد بس الكلام
خليك بأيد ومسقفين
ارقص على دمعة وليد
محتاج ينول صدر الحنين
بس الحياة فيها الأمل
شاب والتمن صرخة قمر
في الليل وحيد
هتكوني ايه
ألفين سنه سبعتاشر
لحم الروهنجا مستباح
وماتوا اطفال اليمن
اطفال بتصرخ ف الصومال
وف العراق دفعوا التمن
صرخة بتدوي ف أرض الشام والأقصى شاكي للزمن
واه يا ثمان عشر
لسه القدوم شؤم وجبان
والله الغيلان متربصين
بين البيبان
والقمح ناشف ع العيدان
صعبه السنين صعبة السنين
والله صعبه دي السنين
****************
بقلم الشاعر أحمد إبراهيم
ليست هناك تعليقات:
إرسال تعليق