قصيدة بعنوان/( ولازلت باحلم )/بقلم الكاتب الاديب الراقي/الشاعر المبدع/ محمد الغزلاوى

الشاعر محمد الغزلاوى

٢٨ أبريل ٢٠١٦ · ‏الزقازيق‏

... ولازلت باحلم ...
ولازلت باحلم
بلحظه تجمّع قلوب الحبايب
وتمسح دموع الالم والسنين
وترجع طيورالفراق الحزينه
تواسي قلوب اللى دابو حنين
واشوفك حبيبتي نسيم للشراع
تلملم شتاتى وعمرى اللى ضاع
وتضحك برقة زمان المحبه
وتبعد سنين الفراق والوداع
ولازلت باحلم
وانا هناك بعيد
باصارع زمانى وحظى العنيد
على ضهر مركب فى ليلة شتا
وبارجع لزمن الرقيق والعبيد
اسيرك ياغربة سنينى العجاف
اسير احتياجى عشان بس اعيش
اعيشها ببساطه ومن غير مااخاف
ولاحد يصرخ فى وشى مافيش
رضيت باغترابي وافارق حبايبي
عشان حلم عشته يا دوب ف الخيال
جمعت الوشوش الحبيبه ف قلبى
وكانت بدايتى مع الارتحال ..
ولازلت باحلم
ْْْْْْْْءءءءءءءءءء ...ويستمر الحلم!!!