قصيدة بعنوان/( شهيد طبعا لكن عايش)/بقلم الكاتب الاديب الراقي/الشاعر المبدع/غريب الشعراوي

غريب الشعراوي

‏٣٠ نوفمبر‏، الساعة ‏٧:٣٢ ص‏

شهيد طبعا لكن عايش
حزامي الميري كان قايش
بادوس بإرادتي ع الفاسد
جرئ جدا و مش طايش
.....
وانا بنوري بأطفي النار
وانا الحارس كما الزنهار
وانا بعيني ياناس راصد
دهاء التعلب المكار
.....
وانا راصد خطاك يا ديب
ما انا عارفك ابو الملاعيب
ولو نابك شرار حاصد
انا صرخة وريدي لهيب
......
لهيب يحرق و ما خليش
علي ارضي ابو الدواعيش
ما انا جندي ياناس صامد
وفارس وسط اشرس جيش
.....
ما انا قايل من زمان إني
شايلك بين جفون نني
يا مصر والإله شاهد
اموت لو تبكي و تئني
.......
اموت و افديك ِ بالغالي
واقدم دمي و عيالي
ولا عمري اكون خامد
ما انا البركان في إشعالي
......
انا البركان علي الخاين
علي المخفي علي الباين
من المخلول و م الفاسد
اموت ولا اعيشي متداين
وعجمي
كلمات السندباد الطائر غريب الشعراوي