بقلم ...../ عاطف بيومي محمد
اصحي يا نايم
وحد الدايم
وقت سحورك
معاده جه
اصحي وكول
واسجد لربك
قبل ما شمس
السما تطل
وتقول يارب
تقبل صيامي
وتقبل صلاتي
قبل الكل
وادعي لربك
يزيد عمر امك
ولا يقل
ده نهارها جنه
ودعاها رحمه
ست الكل
ده مساءها ورد
وياسمين وفل
دى الدعوة منها
تخلى ربك
يرضى عليك
وتبتسم لياليك
انا المحسراتي
انا طول حياتي
واخدها لف
فى كل شارع
وف كل حاره
والريشه ف ايدى
ع الطلبة نازلة
أجمل رن
قومي يا هنا
اصحي يا سمر
كولي جبنه بيضه
وفول حيراتي
وكولى زبادى
واشربي ميه
قبل الفجر
رمضان كريم
ليست هناك تعليقات:
إرسال تعليق