ليه بِنفكّر دايماً نِجرَح
نِحسد غِيرنا لمّا بيفرَح
ليه بنحَدّف نَخلَة جميلة
ذَنبھا بَس انّها بتِطرَح
ليه نِتكلّم مَمنُوع نِسمَع
ليه بكلامنا لازِم نِوجَع
ليه اخلاقنا بتهرب دايماً
واللّى بيهرب رافض يرجَع
ليه بِنحاسِب بَس الطَيّب
هىّ الطِيبه دِى حاجه تعَيّب
ليه مَبدَأنَا شُوف مَصلَحتَك
ليه أفعَالنا تغِيظ وتشَيّب
ليه بِ نبُوس إِيد تضربنا
ليه بِنعُضّ ف إِيد حَبَايبنا
نُشكُر إِيد اللّى بيجرَحنَا
نِقطع إِيد اللّى يطَيّبنَا
لِيه بِنحاول دايماً نِكرَه
ليه بنحاول نِقتل بُكرَه
ليه اللّحظَه الحِلوَه بِتبقَى
وقت حدُوثهَا مَاضِى وذِكرَى
لِيه ع َالظُلم ياناس نِستَنّى
ليه فاكرِين النَار جَنّه
لِيه الدّم بيصبُغ إِيدنَا
ليه فَاكرِين الدّم دَا حِنّه
ليه الضِحكَه كَمان مَمنُوعه
كِلمة حَق ومِش مَسمُوعه
ليه الناس رَافضَه تفَكّر
قَبلَه تعِيش ليه مَخدُوعَه
ليه بِنسَطّر خُوفنَا حرُوف
حِبر قَلَمنا أسَاسَاً خُوف
نِكتب حَرف الشَّر بذِمّه
أمَّا الخِير حرفُه مَحذُوف
ليه دِى بتحكِى أَلف سُؤَال
أسئِله لازِم لِينا تِتقَال
أسئله عاوزَه ألف جَوَاب
نِوصف بِيهُم سُوء الحَال
......ومازالت( ليه ) مستمره دون جواب...
......بقلم / سيد عبدالوهاب........
ليه بكلامنا لازِم نِوجَع
ليه اخلاقنا بتهرب دايماً
واللّى بيهرب رافض يرجَع
ليه بِنحاسِب بَس الطَيّب
هىّ الطِيبه دِى حاجه تعَيّب
ليه مَبدَأنَا شُوف مَصلَحتَك
ليه أفعَالنا تغِيظ وتشَيّب
ليه بِ نبُوس إِيد تضربنا
ليه بِنعُضّ ف إِيد حَبَايبنا
نُشكُر إِيد اللّى بيجرَحنَا
نِقطع إِيد اللّى يطَيّبنَا
لِيه بِنحاول دايماً نِكرَه
ليه بنحاول نِقتل بُكرَه
ليه اللّحظَه الحِلوَه بِتبقَى
وقت حدُوثهَا مَاضِى وذِكرَى
لِيه ع َالظُلم ياناس نِستَنّى
ليه فاكرِين النَار جَنّه
لِيه الدّم بيصبُغ إِيدنَا
ليه فَاكرِين الدّم دَا حِنّه
ليه الضِحكَه كَمان مَمنُوعه
كِلمة حَق ومِش مَسمُوعه
ليه الناس رَافضَه تفَكّر
قَبلَه تعِيش ليه مَخدُوعَه
ليه بِنسَطّر خُوفنَا حرُوف
حِبر قَلَمنا أسَاسَاً خُوف
نِكتب حَرف الشَّر بذِمّه
أمَّا الخِير حرفُه مَحذُوف
ليه دِى بتحكِى أَلف سُؤَال
أسئِله لازِم لِينا تِتقَال
أسئله عاوزَه ألف جَوَاب
نِوصف بِيهُم سُوء الحَال
......ومازالت( ليه ) مستمره دون جواب...
......بقلم / سيد عبدالوهاب........
ليست هناك تعليقات:
إرسال تعليق