********************
فى قصيدة (رسالتي الي سيدي)
بمناسبة ذكري المولد النبوي الشريف
***************************
اول كلامي احترامي محبتي
يا حبيب الله سلام
زاد الألم رخص الثمن
والدم أصبح بالرخيص
زمن النبوة خلاص خلص
زمن الخيانه و المخادع والخسيس
زمن الضياع والجوع مخيف
زمن الخريف أصبح زمن
غابة وضباع
وكلاب بتنهش فى الضعيف
ع المنابر النفاق
ع المذاهب دم سأل
ع الرصيف
مرمي المشرد والجعان
دينك بقا لعبة ذئاب متجمعه
منعه الأذان
قفله البيبان
هدو الحيطان
دبحه الوليد بأدين شيطان
الظلم عشش ع الجدار
أمة محمد فى الحصار
يا رسول الله تعبنا م اللى خان
واللي ناهش لحمنا
ع الموائد واللي واقف ع التلال
يأجوج هناك متجمعين
عايزين يكون الموت هلاك
زمن النفاق ويه المسيخ
دجال وقال انا الإله اللى خلق
كافر واعور جبهته مكتوب كفر
زمن الروبيده والكلام
زمن السلام أصبح ظلام
زمن اللى كافر
واللى تابع الف جان
سيدي محمد يا رسول الله
رسالتي ليك بتبكي
والحروف توصف حكايتي
واحكايات مكتوبه بدم البريئ
بأي زنب اتقتل
بسألك طب أمتي هيهبط مسيح ؟
وامتي المهدي المنتظر راح يتولد ؟
يا رسول الله تعبنا
يا رسول الله ضعفنا
يا رسول الله دمعنا
فوق خدودنا بالألم
أصبحنا شئ مالهوش ثمن
آخر كلامي محبتي
ليك سيدي ليك سيدى
سيدنا النبي
**********************
بقلم الشاعر المصري احمد ابراهيم
ليست هناك تعليقات:
إرسال تعليق