اسقاط ع يوم قديم ( سوق التلات )
ــــــــــــــــــــــــــ لـ أحمد البدرى على
ومن عــشيه بتظغط جوزين البح
وتزقق حمام زغاليل
بغلة ( القيضي ) تنفخ ( زواقلــ )ها
وتكملها بالميه دا قبل الليل
وتبيت ع (القـُطرة ) فى كام أرنب (1)
و تعد و تعبي فـ ( حـُق )البيض(2)
يدفوا بـ ( بحفنة تبن )
تلات حقوق شامى
على (كيله ) ملوخيه(3)
والست دى هدية
على ( كانون ) العصارى
( بتسيح ) زبدة فى ( المنطال )(4)
قاعد عشم فيها
تعطينى م ( الريمه ) ومعلقة سمنه(5)
وسَـنـْهَ م ( المردة ) أتعشى و أعـطيها(6)
من قلبى كام دعـوة
للصحة تديها
بتعاير( بـِحـُقْ النص )
كام (رطل ) م البركة(7)
يا رب تعطيها
ع (صوانى ) الهم بـــ (تــَقـْل) الجبنة(8)
يا (شـَندة ) أمتى ها تتلمى (9)
وتعصرى ( ميصك ) الباهت الماصخ
نصيبنا فيك يا دوب
( الطرف) والماصخ
وتتقلب ف البلح والفول
سودانى ومتحمص بلح ع طول
بتتمم على كل الحاجات م الليل
قامت تصلي العـِشا بدرى
عـملت حساب الحلب من بدرى
صـَحت الفجر قبل الديك م يأذن
على حمار الليل بتحمل الحاصل
( شِــوال )الفول مع البلاحات(10)
و تقـفيصه فيها ( البحات )
وأنا صاحى وأقول طلبات
كوتش أبيض وليه رباط
و (قمع ) حلاوة م السكر
وكام (شقفة ) وجزر أصفر(11)
وخمس اكياس من (ابو شنبات )
وصفاره صفيح للعب وكورة شراب
و لسانها يقول حاضر
يجبر ربى بالخاطر
وأنا أتسوق و أجيب ( لحمه )
حصير الوان وقرش أحمر
وملح ابيض وأجيب ( قته )
وكام (عجوره ) و (ملوحه )
وحبة (فـشة على منبار )
وكليو خيار كليو (قوطة )
عشان انت من الشطار
كام متر م الدبلان
و(مريلا) ليّا
تأمرنى يا قلبي
تسلملي يا عنيا
يحميكي يا أمى و ترجعى ليّا
فرشت فى سوق التلات
والهم ليه خـُد وهات
جَبَرتْ وبَاَعتْ وجَاتْ
(عـِـلاقة) فوق الراس
و الناس بتحسد ناس
على تـُقْل ( حجل ) الفقر (12)
بتجر ( شـُقـَتها ) لحد باب بيتها(13)
وعلينا بتفرق
قموع حلاوه وحب
وتقول يا( رب الحمد)
مش طالبة غير الستر
من تحت فوق الأرض
مشاهد من يوم قديم ــــــــ سوق التلات
أحمد البدرى عـلى
أحمـــــــ بدران ـد
1ـالقـُطرة : مكان معد بالبناء لتربيه الأرانب
2ـ حـُق و حـق النص : مكيال ومعيار يكال به السمن
3ـ كيله : مكيال للغلال
4ـ المنطال : وعاء من الفخار يستعمل عادةً لطهى الفول و تخزن به السمن
5ـ الريمه : ما يطفوا على السمن حين يتم غليها ع النار
6ـ المردة أو المرجه : ما يتبقى من السمن بعد عزلها من وعاء الغلي وتكون مالحة
7ـ رطل : وحدة مكيال بدل من وحدة الوزن
8ــ بتقل : تضع الملح الأبيض على الجبن من جميع الجهات
9 ـ شندة : وعاء على شكل مستطيل مصنوع من عرجون النخيل نضع فيه اللبن بعد تحوله الى جبن ليخرج الجبن على شكل دائرة
10ـ شـِوال : الجوال
11 : شقفه ، وابو شنبات : نوع من انواع الحلوى
12ــ حجل : يلبس بالقدم وهو أشبه بالخاخل مصنوع من الفضة على شك دائرةمفتوحة
13 ـ شـُقه :نوع من الملابس مصنوع بطريقة معينه تستر جميع الجسم وغالبا يكون لونه اسود
ــــــــــــــــــــــــــ لـ أحمد البدرى على
ومن عــشيه بتظغط جوزين البح
وتزقق حمام زغاليل
بغلة ( القيضي ) تنفخ ( زواقلــ )ها
وتكملها بالميه دا قبل الليل
وتبيت ع (القـُطرة ) فى كام أرنب (1)
و تعد و تعبي فـ ( حـُق )البيض(2)
يدفوا بـ ( بحفنة تبن )
تلات حقوق شامى
على (كيله ) ملوخيه(3)
والست دى هدية
على ( كانون ) العصارى
( بتسيح ) زبدة فى ( المنطال )(4)
قاعد عشم فيها
تعطينى م ( الريمه ) ومعلقة سمنه(5)
وسَـنـْهَ م ( المردة ) أتعشى و أعـطيها(6)
من قلبى كام دعـوة
للصحة تديها
بتعاير( بـِحـُقْ النص )
كام (رطل ) م البركة(7)
يا رب تعطيها
ع (صوانى ) الهم بـــ (تــَقـْل) الجبنة(8)
يا (شـَندة ) أمتى ها تتلمى (9)
وتعصرى ( ميصك ) الباهت الماصخ
نصيبنا فيك يا دوب
( الطرف) والماصخ
وتتقلب ف البلح والفول
سودانى ومتحمص بلح ع طول
بتتمم على كل الحاجات م الليل
قامت تصلي العـِشا بدرى
عـملت حساب الحلب من بدرى
صـَحت الفجر قبل الديك م يأذن
على حمار الليل بتحمل الحاصل
( شِــوال )الفول مع البلاحات(10)
و تقـفيصه فيها ( البحات )
وأنا صاحى وأقول طلبات
كوتش أبيض وليه رباط
و (قمع ) حلاوة م السكر
وكام (شقفة ) وجزر أصفر(11)
وخمس اكياس من (ابو شنبات )
وصفاره صفيح للعب وكورة شراب
و لسانها يقول حاضر
يجبر ربى بالخاطر
وأنا أتسوق و أجيب ( لحمه )
حصير الوان وقرش أحمر
وملح ابيض وأجيب ( قته )
وكام (عجوره ) و (ملوحه )
وحبة (فـشة على منبار )
وكليو خيار كليو (قوطة )
عشان انت من الشطار
كام متر م الدبلان
و(مريلا) ليّا
تأمرنى يا قلبي
تسلملي يا عنيا
يحميكي يا أمى و ترجعى ليّا
فرشت فى سوق التلات
والهم ليه خـُد وهات
جَبَرتْ وبَاَعتْ وجَاتْ
(عـِـلاقة) فوق الراس
و الناس بتحسد ناس
على تـُقْل ( حجل ) الفقر (12)
بتجر ( شـُقـَتها ) لحد باب بيتها(13)
وعلينا بتفرق
قموع حلاوه وحب
وتقول يا( رب الحمد)
مش طالبة غير الستر
من تحت فوق الأرض
مشاهد من يوم قديم ــــــــ سوق التلات
أحمد البدرى عـلى
أحمـــــــ بدران ـد
1ـالقـُطرة : مكان معد بالبناء لتربيه الأرانب
2ـ حـُق و حـق النص : مكيال ومعيار يكال به السمن
3ـ كيله : مكيال للغلال
4ـ المنطال : وعاء من الفخار يستعمل عادةً لطهى الفول و تخزن به السمن
5ـ الريمه : ما يطفوا على السمن حين يتم غليها ع النار
6ـ المردة أو المرجه : ما يتبقى من السمن بعد عزلها من وعاء الغلي وتكون مالحة
7ـ رطل : وحدة مكيال بدل من وحدة الوزن
8ــ بتقل : تضع الملح الأبيض على الجبن من جميع الجهات
9 ـ شندة : وعاء على شكل مستطيل مصنوع من عرجون النخيل نضع فيه اللبن بعد تحوله الى جبن ليخرج الجبن على شكل دائرة
10ـ شـِوال : الجوال
11 : شقفه ، وابو شنبات : نوع من انواع الحلوى
12ــ حجل : يلبس بالقدم وهو أشبه بالخاخل مصنوع من الفضة على شك دائرةمفتوحة
13 ـ شـُقه :نوع من الملابس مصنوع بطريقة معينه تستر جميع الجسم وغالبا يكون لونه اسود
ليست هناك تعليقات:
إرسال تعليق