هزي القلوع.. وإغزلي توبك يابهية ..
ثورتك ثورة كفاح
على ناس ظالمين ..
وفي شدتك ..إوعي
تنسي الأسية
..........
إلبسي توب الخضار
وع الجدار زينيه ..
هتلاقي بكره فرحة
وأمل ..
بولادك إنتي إحضنيه
فارد أحضانه
لعشقك يابهية ..
..........
يللي سماكي بتغني
دايما حرية ..
فيه ناس باعوكي
عايزين راياتك محنية
مايعرفوش إن إنتي
حتعيشي عفية ..
والقسوة بتزيدك أمل
عزة ووطنية ..
..........
إفتحي الشباك..تلاقي
شمسك يابهية ..
دا الأمل عنوانك إنتي
وكل جاهك يابهية ..
يلا تاني ..رجعي هيبتك
ولمي ولادك
بحب ع الطبلية ..
الكل يهنى بلقمة هنية
يللي في سماكي
بترفرف طيور ..سعادة
وحرية ..
..........
سيبك من إللي باعك ..
م إللي ياما إتمنالك
هموم الحزن والكسرة..
كتبوا اليوم ضياعك
وإنتي ليهم كنتي ناصرة
إنتي التاريخ..وإنتي الحضارة ياطيبة ..
صعب جدا ننسى مجدك
يابهية ..
مهما شوفتي من هموم
إنتي القوية.. يابهية ..
..........
إمسحي دمعك وكوني
أقوى ..
م إللي بكوكي بضياعك..
يابهية
وإكسري لعنة حسادك ..
وإلبسي توب الحرية
..........
شعر / فاطمة عقل
ليست هناك تعليقات:
إرسال تعليق