قصيدة بعنوان / يوم ميلادي عامية/بقلم الشاعرأحمد شاهين‏.

‏أحمد شاهين‏.

‏13‏ ساعة ·

يوم ميلادى ..... عاميه
يوم ميلادى
وف شبابى
كنت انا وأهلى
وصحابى
كنت شاب لسه
طايش
أو بمعنى حقيقى
عايش
دنيتى و بنسى
عذابى
كنت أجيب تورته
وجاتوه وأبويا
يقول يا هووه
كنت أقوله
على حسابى
مش بخيل
لكن فقير
كان حنين
كان إيجابى
يوم ميلادى
وف شبابى
كنا نرقص
أه ونغنى
وكل واحد
فى الأجنده
كنت بيكتب
كلمه عنى
دول صحابى
دول حبايبى
إللى دايمأ
جوا قلبى
أه بعدنا من سنبن
بس جوانا الحنين
لما نتقابل بنفرح
نفتكر ذكرى ونسرح
كنا فيها مبسوطين
يوم ميلادى
وف شبابى
بفتكر أمى وابويا
لما كنت انا واخويا
جوا حضن مالوش
مثال
أه صحيح كنا عيال
بس أد المسؤليه
ما الكفاح مكتوب
عليا من طفولتى
إنى أكون راجل
وعايش أه بطريقتى
وأنى ما استسلمش
ابدأ اه لحيرتى
وليه أزيد من إكتئابى
يوم ميلادى
وف شبابى
افتكرت أمى الحبيبه
مهما غابت
جوا منى وفرببه
عدا أه 20 سنه
على وفاتها
عايشه فيا
وانا عايش
ذكرياتها
كل يوم أدام عيونى
لما اشوف بنتى حبيبه
أو أميره أو محمد
هما أحلامى القريبه
وبشوف الكون دا نادى
يوم ميلادى
وف شبابى
كنت أنا وأهلى وصحابى
كنت أنا وأهلى وصحابى
كلمات أحمد شاهين
31 / 12 / 2015