اللحظه دى من عمرنا
كا ن نفسى تفضل وقتها
لا يُمر بيها كتير زمن
لا قبلها ولا بعدها
لحظة ما قالت لى
بــحـــبـــك
وأنا كمان رددتها
يا حبيبتى بيمُر الزمن
وأيه مصيرنا غير كفن
نتلف بيه
قضينا كل عمرنا
صحيح بنحب بعضنا
والفايده أيه؟
إنتى بعيده ف دنيتك
وأنا كمان زى السراب
مليتًى إنتى دُنيتك
وقتلنى بعدك الإغتراب
دايمآ تجيلى فى المنام
تشكيلى من مُر الزمن
خففتى عنى كتير ألام
وصحيت لقيتك كالعدم
يا حبيبتى فاضل أيه بقه
دا العُمر زى المشنقه
لحظه وينتهى كل شئ
حرام يضيع من غير لُقا
تعالى ضمينى أوى
لو تنتهى بيا الحياه
من نبع حُبك أرتوى
وأنسى فى حياتى كل أه
تعالى دا العُمر إنتهى
والذكرى حفرت قبرها
يرضيكى بيا تندفن
وأنا ما ليش شئ بعدها
خلاص أنا قُلت إللى عندى
وكان نفسى نتجمع سوا
قضيت صحيح العمر وحدى
لكنه ما ضاع فى الهوا
دا الذكرى إنتى والوجود
وحُبى ليكى مالوش حدود
يشهد عليا حُبنا
يشهد كمان رب الوجود
كلمات \ أحمد شاهين
2 \ 1 \ 2016
ليست هناك تعليقات:
إرسال تعليق