الثلاثاء، 26 يناير 2016

قصيدة بعنوان/ جارى الكتابه /بقلم الشاعرعادل الشهابى

عادل الشهابى
****** جارى الكتابه ****** حلقه2
جارى الكتابه يا ناس جارى الكتابه ...
قولنا نهتم شويه بأحوال الغلابه ...
اللى عايشين فى دنيا وكأنهم فى غابه ..
نقول كلامنا وغيرنا يغنيه بربابه ..
ناس عايشه فى طاحونه دوابه ...
ناس مش عارفه تقيم حتى ضهرها ...
ولا بالمرتب عارفه تمشى شهرها ...
ولد حب بنت لكن ممعاهوش مهرها ...
وأب ممعاهوش وعاوز بس سترها ...
نقول على ناس أتحرمت من التعليم ..
غاويه لكن الجيب يعلم بيه الرزاق العليم ...
يمكن لو حد كان ساعدهم كان شأنهم بقا عظيم ..
جارى الكتابه على ناس بتاكل من التراب ...
ناس حياتهم بقت عذاب فى عذاب ...
ناس ما حد حاسس بيهم ولا فتح عليهم الباب ..
جارى الكتابه على شباب خلصوا التعليم ..
خدوا الشهاده وعلى القهاوى أهم قاعدين ..
جارى الكتابه على أحلامهم بتضيع قدام عنيهم ..
عاوزين يحققوه ولا حد حاسس بيهم ...
جارى الكتابه على ناس كتير مظلومه ...
اللى ينكسر منهم تانى مستحيل يقومله قومه ..
عايشين تحت الصفر كتير بمراحل ...
الحلم سايبهم ولما يسألوه فين يقلهم انا راحل ..
جارى الكتابه على ناس حاسه أنها ضعيفه ...
ناس طيبه طاهره وقلوب كتير نضيفه ...
لكن بلغة المال ما يساووا ولا تعريفه ..
جارى الكتابه جارى الكتابه ...
على ناس غنيه عايشين كالديابه ..
لا حسوا بحد يوم ولا عطفوا على الغلابه ...
هى أرزاق معاك ومقسمها سيدك ...
لكن قال أتصدق بالخير هيذيدك ...
وروح للفقير ومدله أيدك ...
بقلــــــم: عـــــادل الشــــــهــابى
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)